2022 жылғы 06 желтоқсанда Халықаралық сыбайлас жемқорлыққа қарсы күрес күні қарсаңында Қызылжар ауданының білім бөлімі Вагулино ОМ бірлесіп «Адал ұрпақ»ерікті мектеп клубтарының онлайн — слетін өткізді. Ерікті мектеп клубтарының негізгі міндеттері мектеп ортасында сыбайлас жемқорлыққа қарсы мәдениетті қалыптастыру, сыбайлас жемқорлыққа төзбеушілікті нығайту жөніндегі бастамаларды көтермелеу, сыбайлас жемқорлыққа қарсы іс-шараларды ұйымдастыруға қатысу болып табылады.

Ауданның 39 мектебінде ерікті мектеп клубтары өз жұмыстарын жүргізеді. Клуб қатысушылары-мектептің өзін-өзі басқару мүшелері және мектеп педагогтары жыл бойы өз елінің жоғары адамгершілігі мол, жауапты, бастамашыл және әлеуметтік-құзыретті азаматы мен патриотының қалыптасуы мен дамуы үшін мектепте жағдай жасауға бағытталған тәрбие іс-шараларын өткізеді.

Вагулино ОМ, Рассвет ОМ және №2 Бескөл ОМ балалары өз жұмыстарымен бөлісті.

Іс-шара соңында оқушыларды «Адал ұрпақ»клубының қатарына қабылдау салтанатты түрде өтті.

Балаларды құттықтаймыз және оқуда алда болуын тілейміз!