Қызылжар ауданында аудан әкiмi Жанат Сәдуақасовтың қатысуымен балаларға арналған Жасыл шырша мерекесi өткiзiлдi.

Мерекеге ауданның барлық мектептерiнен оқуда озат, халықаралық байқаулардың жеңiмпаздары, көп балалы отбасынан шыққан және жетiм балалармен барлығы 90 бала қатысты.

Елбасының қазақстандық балаларға арналған құттықтауы жасыл шырша мерекесiне келген бүлдiршiндерге көтерiңкi көңiл күй сыйлады.

Жаңа жылдық қойылым барлық балалардың ертегiлер әлемiне саяхаттауына және Аяз ата мен Ақшақардың өз өнерлерiн көрсеткен балаларға берген сыйлығы баға жетпес сезiмге толы бола бiлдi.

Мереке аудан әкiмi атынан балаларға арналған сыйлықтар таратумен және дәстүрлi түрде өткiзiлетiн тәттi шәймен аяқталды.