2024 жылдың 1 ақпанында «Мирас бөбекжай-бақшасы» мемлекеттік қазыналық кәсіпорнында кітапхананың ашылуына арналған салтанатты іс-шара өтті. Салтанатты шараны мектепалды тобының тәрбиеленушілері әдемі ұлттық киім киген ұлттық бимен ашты. Музыкалық қойылым Кітап Феясы, Алдар Көсе және пошташы Печкиннің қатысуымен өтті. Батырлар балалармен тәрбиелік мәні бар әңгімелер, викториналар, ойындар өткізді. Балалар кейіпкерлердің сұрақтарына жауап беру арқылы ертегілер бойынша білімдерін көрсетті. Қызыл лента қиылған соң кітапхананың салтанатты ашылуы болды, оның алғашқы қонақтары балабақшаның кішкентай оқырмандары болды. Аудандық білім бөлімінің әдіскері Даниярова А.Ш. кітап оқудың құндылығы мен өзектілігін айта отырып, жиналғандарды айтулы оқиғамен құттықтады. Бақша меңгерушісі Жоламанова А.Қ. кітапхана құру идеясы, кітапхана қорын туралы айтты. Педагогтар қонақтарға балалардың жас ерекшеліктеріне қарай бөлінген кітаптар сөрелерін сыйға тартты. Балабақша тәрбиеленушілерінің бірінің әжесі жиналғандарды құттықтап, балабақшада бүлдіршіндердің өсіп-өркендеуіне жағдай жасағаны үшін балабақша басшылығы мен ұжымына алғысын білдірді.
Мектепке дейінгі бөлім, бастауыш мектеп
