Қызылжар аудандық бiлiм бөлiмiнiң жоспарына сәйкес, 2019 жылы 11 сәуiр күнi Новокаменка орта мектебiнде қазақ тiлi мен әдебиетi пән мұғалiмдерiне арналған аудандық семинар-тренинг өткiзiлдi. Жалпы аудандық мұғалiмдердiң қатысқандар саны 34-iн қамтыды.

Новокаменка орта мектебiнiң директоры Ж.А. Тулешов семинарға келген қонақтарды қарсы алып,барлық қатысушыларға сәттiлiк тiледi. Келесi кезектi оқу iсiнiң меңгерушiсi Т.С. Бралин семинар бағдарламасымен таныстырып өттi.

Аудандық бiлiм бөлiмiнiң әдiскерi А.И. Байгужинова қазақ тiлi пәнi бойынша ҰБТ және 1, 2, 3 тоқсан бойынша бiлiм сапалары туралы сөз еттi.

Новокаменка орта мектебiнiң қазақ тiлi мұғалiмдерi Г.Ө. Танабаева «Ұлттық мәдени құндылықтарды тiл сабағында пайдалану» және А.Н. Баженова «Критериалды бағалау жүйесiнiң тиiмдiлiгi», «Парасат» мектеп-лицейiнiң мұғалiмi А.С. Абдульманова «Сабақты зерттеу тәжiрибесi — Lesson study», Петерфельд орта мектебiнiң мұғалiмдерi Д.Б. Шериева «Жаңартылған бiлiм беру мазмұнының ерекшелiктерi» және де Д.О. Темiрбекова «Панорамалық сабақ», Совхоз орта мектебiнiң қазақ тiлi мен әдебиетi мұғалiмi А.Ш. Аубакирова «Жаңа бiлiм беру аясында: технология, оның озық түрлерi» атты шеберлiк-сыныптар, ашық сабақтың үлгiлерi, панорамалық сабақтар ұсынды.

Семинар барысында жаңа бiлiм беру мазмұнын жаңарту аясындағы мәселелер, ТЖБ және БЖБ бағалау критерийлерi, пән бойынша оқыту сапасын арттыруға арналған мүмкiндiктерiн талқылады.

Семинардың қорытынды кезеңiнде ұсыныстар әзiрленiп, қатысушыларға сертификаттар берiлдi.

Жалпы семинар сапалы, өте жақсы деңгейде өттi.