18 тамызда "Парасат" мектеп-лицейiнiң базасында жас педагогтардың әлеуметтiк мәртебесi мен шығармашылық әлеуетiн жандандыру, кәсiби шеберлiгiн одан әрi жетiлдiру үшiн жағдай жасау мақсатында "ЖАҢА ҚАЗАҚСТАН: ЖАС ПЕДАГОГТАРДЫҢ РӨЛI" жас педагогтердiң халықаралық форумы шеңберiнде "Дебют" облыстық жас педагогтер конкурсының аудандық кезеңi өткiзiлдi.

Аудандық кезеңге ауданның 7 мектебiнен жұмыс өтiлi 1 жылдан 5 жылға дейiнгi 8 жас пән-мұғалiмдерi қатысты.

Байқаудың аудандық кезеңiнде "Бiздiң педагогикалық дуэт" (тәлiмгермен жұмыс), "Профессия педагога: ОЖИДАНИЕ-РЕАЛЬНОСТЬ-ПЕРСПЕКТИВА", "Мен — жаңа форматтағы педагогпын" тақырыптары бойынша эссе жазу тапсырмасы болды.

Конкурс қорытындысы бойынша облыста ауданымыздың намысын қорғайтын 2 жеңiмпаз таңдалды. Оларға сәттiлiк тiлеймiз.